Christmas Killer. Iyan ang role ni Ashley sa pagtapak sa Pilipinas. Kailangan niyang ilayo ang ama sa boyfriend nito na walang ginawa kundi gawin itong personal Santa Claus. Kakaladkarin niya ang ama pabalik ng Amerika para makabalik na siya sa trabaho. Pasko? Hindi iyon uso sa kanya. Lilipas din iyon gaya nang mga nagdaang taon. Pero sa halip na ang happy couple ang maabutan niya, ang nandoon ay si Robinson - ang hubadero, nanlilimahid pero guwapo at makisig na pintor na bantay ng condo. Ayaw ni Ashley sa guwapo. Ayaw niya sa dugyot na pintor. At ayaw niya na dini-distract siya nito sa paggiling ng Careless Whisper sa habang nakasuot ng Santa’s hat para aliwin siya. Nilayasan niya ito at sa kamalas-malasan ay nanakawan ng riding-in-tandem tangay ang laptop niya, cellphone, credit cards at pati travel documents. She was stuck in this god-forsaken country with nothing. Habang nagsasaya ang lahat dahil sa papalapit na Pasko, siya naman ay miserableng-miserable. Wala siyang matatakbuhan kundi ang dugyot na pintor na si Robinson. Kaya kayang ipadama sa kanya ng binata ang tunay na diwa ng Pasko?