Galaxy Float 1 : Quelvin De Luna Desidido si Beatrice na paghaluin na ang balat sa tinalupan nang malamang niloloko siya ng kanyang boyfriend. Handa na siya sa planong paghihiganti. Isasagawa niya iyon sa Costa Galaxia—ang pinakasikat na exclusive residential at leisure property sa bansa. Pero pagkarating doon, nakilala niya si Quelvin De Luna, the hottest bachelor in town. Nakita ni Beatrice ang sarili na basta na lang pumipirma ng kontrata sa isang insurance company na pag-aari nito. Hindi maintindihan ni Beatrice ang nangyayari pero isa lang ang alam niya, kakailanganin nga yata talaga niya ng lifetime insurance dahil malapit na siyang atakihin sa puso sa mga titig at ngiti ni Quelvin! GALAXY FLOAT 2 : Angelo Benson Normal lang ang ideal man ni Jeanette. One hundred percent guwapo, fifty percent may magandang trabaho, fifty percent fun, fifty percent responsible, at fifty percent bolero. At alam niyang wala pa sa kalahati ng mga iyon ang nakuha ni Angelo Benson. One hundred percent guwapo, check. Fifty percent may okay na trabaho, puwede na. Fun? Responsible? Bolero? Zero. Arogante at kuripot! Ano ba kasi ang ginagawa ng lalaki sa buhay niya? At bakit ang shiny ng lips nito? Kaya lang, sadya yatang inaasar si Jeanette ng tadhana. Kahit kasi anong hiling niya na huwag silang magkita ni Angelo ay palagi namang nagkukrus ang kanilang landas. Sabi pa nito, “Hindi kita tatantanan hangga’t hindi mo ako sinasagot. Isa pa, alam kong hindi ako mahihirapan dahil alam ko na ang damdamin mo. You like me too.” Ang kapal! Galaxy Float 3 : Vincent Periera “Pasensiya ka na, Miss. Hindi ko kasi type ang mga kaunti lang ang laman ng utak.” Gigil na gigil si Ellery kay Vincent Periera, ang lalaking walang pusong bumangga sa kotse niya. Take note: latest model iyon ng pinakamahal na kotse ngayon! Lalo pang nag-init ang ulo ni Ellery nang malamang hindi man lang siya kilala ni Vincent at sinabihan pa siyang naghahabol dito! Bakit siya magkakagusto kay Vincent? She is Ellery Mendrez, one of the most promising actresses locally and internationally. Maganda siya, sikat at higit sa lahat, hindi niya ito kailangan. Pinutol ng damuhong lalaki ang pagbabakasyon niya sa Costa Galaxia. Tinakot siya ni Vincent na sa presinto pupulutin kapag hindi siya pumayag sa gusto nito… ang alilain siya!